images

EMITT ОЛОН УЛСЫН АЯЛАЛ ЖУУЛЧЛАЛЫН ҮЗЭСГЭЛЭНД НИЙСЛЭЛИЙН АЯЛАЛ ЖУУЛЧЛАЛЫН ГАЗАР, МОНГОЛЫН АЯЛАЛ ЖУУЛЧЛАЛЫН ХОЛБОО БОЛОН ХУВИЙН ХЭВШЛИЙН ТӨЛӨӨЛӨЛ ИРЖ ОРОЛЦЛОО

Ерөнхий консулын газрын мэдээ

2018-01-25

110

Дэлхийд эхний тавд тооцогдох EMITT олон улсын аялал жуулчлалын үзэсгэлэн Стамбул хотод 2018 оны 01 сарын 25-ны өдөр нээлтээ хийлээ. Уг үзэсгэлэн нь 2018 оны 1 дүгээр сарын 25-28-ны өдрүүдэд зохион байгуулагдах юм.

Үзэсгэлэнд эхний өдрийн байдлаар аялал жуулчлалын чиглэлээр үйл ажиллагаа явуулдаг 600 гаруй төлөөлөгчид оролцож байна. EMITT-ийн 4 өдрийн хугацаанд 6000 гаруй төлөөлөгч оруулцахаар төлөвлөж байгаа юм.

Нийслэлийн Аялал жуулчлалын газар, Монголын Аялал жуулчлалын холбоо болон бусад хувийн хэвшлийн 4 компани Монгол улсыг төлөөлөн оролцож байна. Стамбул хотод суугаа Ерөнхий консулын газраас үзэсгэлэнд оролцогчдод шаардлагатай дэмжлэгийг үзүүлж, хамтран ажиллаж байна.