ЯВУУЛЫН КОНСУЛЫН ҮЙЛЧИЛГЭЭ ҮЗҮҮЛЭВ

Монгол Улсаас Бүгд Найрамдах Турк Улсын Истанбул хотод суугаа Ерөнхий консулын газрын зүгээс төрийн үйлчилгээг иргэдэд ойртуулах, түргэн шуурхай үзүүлэх, иргэдийн цаг хугацааг хэмнэх зорилгоор 2024 оны 9 дүгээр сарын 27-ны өдөр манай иргэд олноор амьдардаг Шишли дүүрэгт ээлжит ЯВУУЛЫН КОНСУЛЫН ҮЙЛЧИЛГЭЭ үзүүлж, нийт 50 гаруй иргэн хамрагдав.

Тус ЕКГ-ын зүгээс цаашид сар бүрийн сүүлийн Баасан гарагт явуулын консулын үйлчилгээг уламжлал болгон үзүүлэхээр төлөвлөж байна.

 Явуулын консулын үйлчилгээний үеэр иргэд дараах төрийн үйлчилгээг авах боломжтой. Үүнд:  

• Иргэний шинэчилсэн бүртгэл болон 25, 45 насны сунгалт,
• Нотариатын үйлчилгээ,
• Итгэмжлэл баталгаажуулалт,
• Төрсний бүртгэл,
• Гэрлэлт бүртгэл,
• Гадаад паспорт захиалга,
• Бичиг баримтын орчуулга, баталгаажуулалт зэрэг болно.